政壇：劉明康係廣東話粉絲
普通話喺香港愈嚟愈普及，令人擔心廣東話式微，但唔使擔心，事關尋日有位財金界猛人現身挺廣東話，佢係邊個？之唔係前中國銀監會主席劉明康，現任中文大學教授嘅佢，原來係廣東話「粉絲」!
劉明康話要抓緊機會學好廣東話。
話說中文大學全球經濟及金融研究所請咗劉教授投入研究工作兼參與授課，劉教授尋日同記者朋友相聚，見到眾人普通話講到「嘞嘞聲」，感嘆「這是香港一個很大嘅進步哦」，佢憶述番十幾年前嚟港出席活動，佢講話後大家會要求佢再講一次英語。「依家大家對普通話都能講能聽啦，我也要抓緊機會學廣東話！」
劉教授會喺今個星期四至六、中大舉行嘅「巴塞爾三研討班」擔任講者，同非G20成員國嘅中央銀行家交流，同場仲有本港好多賓架，可謂粒粒巨星，唔通劉教授想學好廣東話，同佢哋切磋切磋？
