SUN搞作：打橫嚟講：信佢一成，雙目失明

古語有云：「學好三年，學壞三日」。

香港特區回歸十五年，要習染大陸的陋性，有何難度？反之，早已青出於藍，比大陸更大陸啦！

在中國大陸境內，眾所X知，全球公認的是「無官不貪」，在香港特區內一個卜階曾便已經是人辦；中國大陸境內，除了騙子之外，乜嘢都係假嘅！家陣，香港特區嘅高官，講乜都未必係真嘅之外，就連用來制訂施政藍圖參考用的官方統計，都「幾乎」全部係假嘅！好鬼得人驚呀？

本人都唔知講過幾多千百萬次，叫啲家長即使當埋條底褲，亦要遣走子女，勿讓佢哋留喺呢度受教育，除咗教育制度逼到老師「不務正業」之外，呢度社會嘅道德意識，已由政府上層帶頭，完全超級大破壞，那種缺德無道，是非顛倒，扭曲人性，由上而下的滲入民間，仲當係好嘢大擂大鼓，又策動一群五毛盲毛高呼狂叫，動不動就追打記者，揮旗吶喊。呢類禍港害國的行為，若你啲子女日日對住這類反智劣行，又點會有好人做呢？

唔好話要送子女出國，讓佢哋身心健康成長，就算係大人，也好好儲夠錢移民呀！

上樑不正下樑歪，香港政府高層點包庇統計處也徒然！做高官嘅其身不正，無說服力也！信佢一成雙目失明囉！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府