政壇：政商定格：李文俊50萬投李剛畫作

由本港富二代組成嘅百仁基金尋晚喺中環四季酒店舉行就職禮，施榮忻（Jaime）正式卸任主席，由理文造紙太子爺李文俊（Raymond）接莊，特首梁振英到場主禮。Raymond甫上任即透露鴻圖大計，頭炮係捐一千萬元畀基金，大搞青年發展計劃，期望「以青年人影響青年人」。調任澳門中聯辦副主任嘅李剛，捐出兩個月前親手繪畫嘅青竹畫作予百仁基金拍賣，最終被Raymond以五十萬元投得。

Raymond嘅爸爸李運強、媽咪同太太黃敏儀齊現身支持，而弟弟李文斌更入埋會做副主席，實行兄弟同心拍住上。落莊嘅Jaime笑言，過去五年喺基金同菁英會內埋首青年工作，依家鬆一口氣，計劃農曆新年舉家飛澳洲墨爾本度假一周。