政壇：政商定格：梁繼昌遊緬甸幫象沖涼

緬甸反對派領袖昂山淑姬當選國會議員，公共專業聯盟Kenneth梁繼昌就特意同屋企人喺聖誕假期去仰光旅行，原先諗住臨走前去全國民主聯盟總部見吓昂山淑姬啲親信，但點知內陸機延遲開出，搞到佢一到仰光就要急急腳搭飛機去曼谷轉機返港。更加倒楣嘅係，佢喺當地飲咗啲唔乾淨嘅乳酪果汁Papaya Lassi，同囡囡返港後齊齊肚瀉。

雖然見唔到昂山淑姬嘅親信，但佢一家就去咗Kalaw附近嘅森林幫大笨象沖涼。佢話啲原住民會叫大笨象行入條河跪低，遊客就可以用竹筒同刷幫啲大笨象洗背。之後佢仲去咗行山兼坐船遊湖，足足玩咗成個星期先捨得返香港。