SUN驚奇：收入不穩好天斬埋落雨柴

紅巴收費「海鮮價」，看似無王管，但自由亦有代價；業界人士表示，紅巴司機不似綠巴司機有固定收入，收入與乘客量成正比，「踩多一轉掙多一轉錢」，打風落雨也要開工，生意難撈下，在大時大節突然加價，旨在好天斬埋落雨柴。

紅巴跟綠巴不同，綠巴司機多為受薪僱員，收入和載客量都穩定。但紅巴以個體戶模式經營，司機要自負盈虧，有紅巴司機透露，他們的收入跟載乘客人次成正比，有時車上乘客不多，司機需停車等客，直至一定人數才開車，雖然拖延乘客寶貴時間，但就能夠確保司機每轉收入，「載一個同載十個，收入都唔同，唔通小貓三四隻都開車咩？」

他又透露，紅巴營辦商會因應不同地區、早更或夜更，調整車租，收入不穩下，司機在大時大節或打風日子，都出加價撒手鐧：「所以紅Van趁大時大節好生意，都會加價一至兩成，打風就加一倍以上，呢啲日子我哋都照開工，搵命博o架，梗係要搵多少少啦！」