SUN世代：哈佛甜心炮製特Cup喜悅

人生五味紛陳，尤以甜最得人喜愛；Jennifer亦是嗜甜之人，更愛與他人分享。六年前，她放棄投資銀行的高薪厚職，在港開設首家售賣杯形蛋糕（cupcake）為主的甜品店，用心製作甜美蛋糕，俘虜一眾顧客，「甜品可以令人忘記煩惱，希望每位客人，都可以感受到當中嘅快樂」。

還未踏進Jennifer的甜品店，濃濃的朱古力香味即撲鼻而來。店內坐滿不同年紀、國籍的客人，她則在旁忙個不停，既要招呼客人，又要到廚房監督各款甜品的生產。誰想像得到，眼前這位「甜姐兒」，八年前還是白領麗人，領着百萬年薪。

Jennifer從小愛吃亦愛下廚，卻從未打算把興趣發展成事業，更憑優異成績，考入美國哈佛大學經濟系，「○三年畢業後返香港，好快搵到份投資銀行嘅工作」。

工作一年多，前路看似康莊，但工作壓力讓她透不過氣來，「人工係好高，但錢唔係一切，換唔到時間、換唔到快樂」。在廚房裏搓搓麵粉、製作糖霜裝飾的畫面，此時在她腦海內浮現，「咁多樣嘢食之中，我最鍾意就係甜品，因為又靚又好味，見到已經令人好開心，我就諗：『點解唔可以將呢份喜悅，同更多人分享？』」

開設甜品店的想法，在她心內萌芽，她毅然辭去投資銀行的工作，遠赴紐約廚藝學院，花半年時間學做甜品，畢業後更在當地一間星級餐廳打工，吸取經驗，「喺嗰度學到好多嘢，明白到要留住食客，食物唔單止要維持高水準，仲要經常有新產品，令客人可以有新鮮感」。

○六年，Jennifer學成回港，在中環開設甜品店，「當時cupcake喺外國已經興咗一段時間，但喺香港唔係太多人認識」。於是她決定把杯形蛋糕引入香港，更以此作為甜品店主打，創業界先河，「做生意就係要有冒險精神，你唔試永遠唔會知呢條路得唔得」。

堅持用心製作，自然能感動他人。每一名來到Jennifer甜品店的人，無一不被這份幸福的甜味所感動，甜品店的口碑與客人數量，亦隨之而不斷上升。現時甜品店已擴充至四間，蛋糕每日最高銷量更達二千至三千件，「嚟緊希望再開多一至兩間分店，甚至想進軍新加坡等外地市場，希望將呢份快樂，帶畀更加多嘅人！」

Jennifer's Profile

學歷：美國哈佛大學經濟系學士

現職：sift Desserts創辦人