政壇：陳柏熹司機涉打人離職

「愛護香港力量」日前舉行「挺梁治港保民生」遊行，有人喺遊行出發前向電視台攝影師後腦揮拳，混亂期間十多人扭作一團且互有推撞，有傳呢位涉嫌打人嘅「梁粉」係慕詩（Moiselle）集團旗下司機。

慕詩太子爺陳柏熹前日出席除夕活動時，承認對方係公司旗下司機，但唔知係辭職定係被解僱，只係收到秘書通知，個司機已last day。對於司機點解動手打人，陳柏熹話佢都係聽人哋講，又強調司機嘅離職同政治立場無關，但認為司機喺事件上係過分衝動。

警方發言人接受查詢時表示，一名六十一歲男子於上月三十日涉嫌推撞另一名三十一歲男子，他因涉嫌普通襲擊被警方拘捕，本月下旬返警署報到。