政壇：政商定格：趙麗娟自爆「攞」國家機密

一向由男性做主導嘅會計師公會，新會長趙麗娟係該會自一九七三年成立以來首位女會長，而且更係少數商界出身嘅會長，可謂打破傳統。

趙麗娟係利豐發展（中國）嘅董事，佢坦言商界唔同會計師事務所，出任會長同業務關係冇咁直接，幸好佢公司兩個馮博士，即係馮國經同馮國綸都支持佢出任會長，唔介意佢放多啲時間喺會務上，覺得係對社會一種回饋，令佢可放心全力做會長。

講開香港正喺同內地傾緊釐清國家機密定義，同向內地會計師索取底稿可能性，趙麗娟回憶起多年前去內地做審計，好自然咁將財務報表影印一份帶出境，竟然被指攞咗國家機密，最後當然擺平，但反映國家機密問題原來唔係新嘢，多年前已有發生！