政壇：政商定格：菁英聖誕P扮嘢行貓步

菁英會日前開派對迎聖誕，後生仔好玩得，齊扮「人肉聖誕樹」鬥行「貓步」。最新一期菁英學員以勁舞助興，齊跳「江南Style」，氣氛高漲，平時甚少公開跳舞嘅菁英會主席Johnny楊華勇、常務副主席梁宏正都放下拘束，齊跳「菁英Style」。

今次Party由佢哋擔大旗，珠寶公司太子女龔嬿、IT界女強人李煥明齊做籌委會主席；喺電台開慣咪嘅鄺晶晶就係「索爆」司儀。「華麗荷里活」嘅主題晚上，賓客「奉旨」扮嘢。每圍枱都要派代表，用聖誕裝飾裝身，莊士集團太子爺Albert莊家彬同莎莎女婿Davis陳振邦裝扮夠晒俏，最後被選中入埋「六強」，可惜扮相唔及女子組風騷，輸咗。Davis話無所謂，最緊要開心，太太郭詩慧就邊笑邊幫老公影相，玩得勁投入。