政壇：星展親子騷 兩代互體驗

為咗培育下一代成為小小銀行家同加強親子溝通，星展早排搞咗個「Bring Kids to Work」嘅活動，就連零售銀行業務零售投資及保險產品高級副總裁Janet莊希都帶埋囡囡一齊參加，唔通想要囡囡接棒？

聽講所有星展員工都可以帶同子女一齊參加活動，等子女可以了解吓父母平時嘅工作，同埋銀行嘅運作，話唔定仲可以引起子女對做「銀行家」的興趣喎！其實要畀小朋友知道父母平時搵錢艱難至真！

活動當日，除咗要學分真假銀紙，小朋友仲可以着住星展制服大玩role play，既可以體驗前線工作，幫客戶入錢；仲可以喺back office接聽電話，幫客戶解決「失卡」問題添！