City Parade：新翁Cheers!
年尾嫁娶多。馬會大董葉澍堃都娶新抱。首次飲新抱茶，老爺開心到口水流，喺中環四季酒店大宴親朋，新舊高官紛到賀，認真有面子。廣受The Beatles成員John Lennon及日本萬人迷木村拓哉寵愛嘅日本老字號眼鏡品牌，過江香港大展拳腳，與富二代楊駿業合作，喺銅鑼灣開設「店中店」，廣邀城中名人體驗眼鏡文化新概念。
葉家聚新抱：高朋到賀
馬會大董葉澍堃（左三）榮升做老爺，一班老友都戥佢開心。
粉絲獻花
立法會議員石禮謙（右）難得開金口，怕羞嘅女友Lisa（左）變身小粉絲獻花。
致以祝福
馬會大董李國棟夫婦齊齊祝願一對新人百年好合。
分享心得
葉澍堃大仔葉瀚林（右一）同女友朱敏盈（右二）共諧連理，出名恩愛嘅前財爺梁錦松（左一）同太太伏明霞（左二），樂意分享相處之道。
濟濟一堂
喜宴上新舊高官聚首一堂，左起財經事務及庫務局局長陳家強、前保安局局長李少光及前運輸及房屋局局長鄭汝樺。
眼鏡店開幕：兄弟同心
Green Monday創辦人楊駿業（右）同細佬楊德業（左）進軍做「眼鏡大王」，富豪趙世曾公子趙式浩（中）都嚟撐場。
專程打氣
專門店開幕，第四代掌舵人白山將視先生（右）與太太（左）及囡囡專程由日本飛來香港打氣。
懷舊有型
書卷氣十足嘅社交名人周國豐，戴上懷舊眼鏡分外有型。