SUN搞作：好圖共賞：酒精害人，聖誕時咪飲（咁多）

佳節流流，有呢個咁好嘅藉口，少不免都會飲番兩杯。不過咁，歌仔都有得唱：「飲酒就唔好飲咁多，由其是有杯着晒火，一定要朋友幫吓拖，貓到瞓低都無乜所謂，最怕起身喺隔籬，見到個好似我咁嘅男仔，你就知道咩嘢係蝕底。」計小編話齋，最大鑊唔係起身有個男仔，而係起身成頭便便！無論妳係因為良朋歡聚happy together，定係心情唔好失戀唔開心借酒澆愁都好，小編只係想提提妳，飲酒，真係要量力而為。可能妳會話：「得啦！仲煩過阿媽！」但係如果妳睇埋呢位仁兄醉酒之後嘅下場，我諗你就會知道咩叫「一失足成千古恨」。老老竇竇，品酒，係叫妳享受氣氛，細味杯中物。如果只係隊嘢入肚自我虐待嘅話，使咩飲酒啫，好似呢位仁兄咁，飲屎水都得啦！