SUN搞作：少膽虫手記：淫賤黎醫病捱鞭

自淫賤黎傳患腦病，《爛果》上下無不憂心忡忡，唔係驚淫賤黎冇得撈會搞垮《爛果》，因為少膽虫幾時都話，一份報紙無話唔可以冇咗邊個，何況嗰個係淫賤黎？大家驚嘅係，淫賤黎平時已經神神化化，依家個腦仲要爛上加爛，一個唔好彩釀成血案，將軍澳又要多添幾隻冤魂……

可惜少膽虫永遠都係幸運身邊嘅朋友——不幸，今次又畀淫賤黎叫咗入房。少膽虫一入到房，先聞一聲大吐，眼前就有一道冷光掠過，好彩少膽虫平時夠縮骨，一縮而閃，回頭一望，一支三吋長嘅銀針，深深插入牆中。「好厲害嘅口舌功夫。」少膽虫不禁一嘆。淫賤黎一邊舔舔舌，一邊答道︰「寒氣上腦，估唔到連銀針都制止唔住……少膽虫，睇嚟今次都要靠你！」

少膽虫一聽，即刻怯晒︰「老細，我可以點幫你？」淫賤黎聞言大喜︰「上次叫肥豪幫我推油，點知就錯用咗地溝油，加重咗我個病，依家惟有借外力猛打我身體，逼寒氣外洩。」少膽虫又怯一怯︰「即係要我打老細？」呢個時候，淫賤黎露出一絲竊笑︰「無咁簡單，而係要用鞭猛抽我，因為鞭痕與血管形狀相近，寒氣先會順勢向外走，否則只係白打。」淫賤黎向少膽虫遞上粗鞭，少膽虫手顫顫地接過，輕輕幾揮，「呀……大力啲……咁先可以逼出寒氣。」少膽虫每揮一下，都伴隨淫賤黎嘅呻吟聲。

一個鐘之後，「驅寒儀式」終於完成，少膽虫除咗慘痛嘅回憶外，仲得一句讚美︰「果然鞭鞭有力呀！」