政壇：李運強親家捧仁濟盃

沙田馬場尋日有場「仁濟盃賽」，仁濟醫院主席鄭承隆同董事局一眾高層齊齊入場支持，巧合嘅係盃賽由仁濟前主席兼理文造紙董事總經理李文斌（Edmond）哥哥李文恩嘅外父、電業大亨郭燦耀名下嘅「旗幟鮮明」奪冠。賽前Edmond笑稱要喺鄭承隆手中捧走獎盃，估唔到畀佢開口中，難怪佢開心到飛起。

仁濟副主席蘇陳偉香囝囝名下愛駒亦贏得頭馬，近八十萬獎金袋袋平安。蘇太老公蘇啟聲同Edmond爸爸李運強分屬老友，李運強落重注贏番筆，開心到宣布派五千蚊畀入場玩嘅二十位內地員工。