SUN搞作：網絡小說：揮慧劍，斬蛇頭

香城知縣卜楷曾在任期間勾結奸商，大發不義之財，更外通番邦女皇，得米字旗國之Sir稱號，畜牲界則叫佢做「蛇」。呢條卜楷（因為佢實在太乞人憎，費事講全名整污糟自己把口，只以卜楷稱之）沾沾自喜，常要求居民以「Sir」稱呼，一副漢奸衰樣。呢條蛇，唔劏唔鬆化。

合城居民怨氣沖天，卻逼於貪曾淫威，敢怒不敢言。某個晚上，一道人手持長劍，腳踏七星步，幾個縱躍之間登上香城城頭，氣運丹田，以真氣吐字，向全城居民發話：「在下道號東方子，此來係幫助香城人屠蛇！」東方子續道：「是咁的，貧道夜觀天象，發現知縣卜楷曾並非Sir，乃妖星託世之千年蛇妖，在此為禍蒼生，奏請聖上之後特來斬妖除魔！」合城居民大喜，三呼「皇上萬歲」。

只見東方子口唸符咒，左手向卜楷的官邸一指，一聲慘叫，卜楷曾全身着火，從大宅滾將出來，全身滲出血水，哀號連連。燒盡流盡之後，卜楷曾隨即現出本相，果是一條大白蛇！

東方子金剛怒目，以神通向卜楷曾怒喝：「小小蛇妖，怎能騙得本座法眼！你縱化人形，休想蒙混過關！」「睇你肥頭耷耳，一定係貪埋貪埋，食晒城民啲嘢！」東方子此言一出，居民先醒起之前確有菜心肥雞無故失蹤，原來係畀條卜楷食咗！東方子掐個劍訣，一躍而上，刷一聲已將蛇頭斬落。「妖邪，害人害物，你都有今日！」

古有九尾狐化身絕色美女妲己，迷惑紂王，斷送商朝；今有大蛇化身賤官貪曾，擾亂香江，猥猥瑣瑣，唔劏唔鬆化，人人得而誅之！香江百姓飽受妖物蹂躪多年，有冤無路訴。幸好天可憐見，東方子仗劍屠蛇，順勢殺盡一切牛鬼蛇神。

逢周三至周五刊出