政壇：唐唐南極拍拖感情加分

正當特首梁振英北上述職，佢嘅前競選對手唐唐就啱啱同太太去完南極歎世界返港。尋日佢現身中環，陪三女嘉慧行街，兩人行到去某影音店後，唐唐好有耐心咁陪嘉慧揀DVD同唱片，期間唐唐仲畀咗好多意見囡囡，之後唐唐仲自動波行去櫃位畀錢。

提到今次南極之行，唐唐話前後玩咗兩個禮拜，去南極有三大好處，第一係風景好靚，直情好似一幅幅圖畫咁靚，第二係空氣清新，索多啲人都開心啲，第三就係企鵝好得意。今次唐唐同太太郭妤淺二人世界拍拖去旅行，第四個好處當然就係夫妻感情又增進一步。難怪唐唐尋日容光煥發，至於今後有乜新搞作，佢話適當時候就會講喎！