係咪要隻貓講我好辛苦？

【本報訊】「以一般正常智商程度都睇得出係虐待！係咪要隻貓講『我好辛苦』先算虐待？！一句『貪玩』就可以當冇事發生？」城大男生涉嫌在學校宿舍內虐貓，惹來網民狂轟，鬧爆該男生「無知」及「枉為大學生」。更有人要求城大開除其學籍。

網民促開除學籍

「壁報貓」照曝光後，網民迅速揭發涉案者竟為大學生，大感嘩然，「荒謬！如果係幾歲細路都算，可以教；但身為一個成年大學生，不得原諒……」。有人更要求：「除左（咗）開除學籍，亦要繩之於法」、「一人一信等QUIT U（退學） LA」。即使事主道歉及辯稱是為「除蚤」後，部分網民亦不賣帳，「簡直無知，大學生，冇心養佢都唔好咁對佢吖，仲話自己愛小動物」。

但亦有網民接受其道歉，「有邊個唔會做錯事，人哋（事主）已公開全名道歉，做咩仲要咬實人唔放過」、「真係有必要公開晒人哋嘅個人資料嗎？網絡愈來愈可怕……」。有網民指：「一兩個大學生做錯野，話晒全部大學生（？）」

據悉，由於涉案男生坦白承認過錯及道歉，城大校方會從輕發落，不會開除其學籍。警方亦考慮是否檢控。