SUN微博：為妳製造快樂回憶

不如一齊合上眼，回想番自出世以來所有嘅快樂回憶：幼稚園上堂、落公園玩、第一次升小學喺度喊、喺小食部買可樂覺得自己係大人、小學畢業、中二同一大班fd入場睇恐怖片、遇見他、一起去澳門……

嗱，版位有限，剩番嘅你自己慢慢諗。可能你會話，唔係喎，你好似skip咗好多唔開心嘢無講喎！

即係咁，你的回憶不是我的，如果你係都要諗啲唔開心嘅嘢，小編都無辦法。只可以奉勸你一句，所有你以為唔開心嘅嘢，當成為咗過去，變成回憶之後，其實，都是美好的。

好，入番正題先。距離末日只係得番十幾日，雖然小編相信你已經擁有好多美好嘅回憶，不過趁住最後嘅時間，梗係要盡情去玩去享受生命，製造更多美麗嘅回憶啦，係唔係？

一於咁話，由今日開始，用心唔好用腦，想做就去做，唔好諗咁多，唔好浪費呢個咁靚嘅地球。一齊去感受生命！約實你！