政壇：政商定格：林建康又贏馬勁袋440萬

自從擔任愛沙尼亞駐港名譽領事後，Matthew林建康可謂馬運亨通。上星期日贏完頭馬，另一匹團體馬「精彩日子」尋日出戰沙田馬場第七場嘅「浪琴香港一哩錦標賽」，太太黃寧艷盛裝打扮做啦啦隊，最後愛駒拎第二名，獎金高達四百四十萬元，呢份聖誕禮物認真和味！

Matthew一向好客，原來佢上周接待完訪港嘅愛沙尼亞駐華大使，充當導遊帶佢遊數碼港、貿發局，唔少得去「中國會」品嘗正斗點心，再來個「Sevva」西餐，駐華大使都豎起拇指讚頂呱呱。

其實尋日太子珠寶鐘錶主席鄧鉅明同太太鄧宣宏雁都盛裝撐Matthew，鄧太戴上華麗禮帽搶晒鏡，輕易贏得「最佳服飾獎」，大會送上名貴手錶，鄧太話係好窩心嘅聖誕禮物喎！