政壇：150年校慶皇仁仔憶當年

皇仁書院尋日舉行百五周年校慶晚宴，二千四百名「皇仁仔」濟濟一堂，包括食衞局局長高永文、中大校長沈祖堯、金融管理局總裁「攞命陳」陳德霖，而已故全國政協副主席霍英東嘅長子霍震霆就代表父親主禮。

講起喺書院嘅日子，攞命陳話當年學校籃球場到放學就唔准用，佢同同學仔就匿埋，到五點鐘校工熄燈先出嚟盡情玩。

高永文係天文發燒友，以前仲做過天文學會會長，每周都會約埋去觀星，捱更抵夜都濕濕碎。

餘興節目當然精彩，有校友上台棟篤笑，石禮謙話點解皇仁唔出特首？因為皇仁仔唔識講大話喎。又有高永文、沈祖堯、中大醫學院院長霍泰輝等上台唱歌，但係全部走音，後來佢哋號召其他醫科生上台一齊唱。