慳電四口家$3000減到$270

【本報訊】「習慣咗返到屋企就開冷氣，電費一次要交近三千蚊，依家二百七十幾蚊咋！」李穎妍一家四口住於大埔三百多平方呎的公共房屋，每逢夏天開門第一件事就是開冷氣。但今年夏天參加地球之友「知慳惜電」節能比賽，六月至八月期間無開過冷氣，成功慳電又慳錢，更獲頒躍進大獎。她患有鼻敏感：「以前每朝起身個鼻就好痕，要打十幾二十個乞嗤，依家就無咁嘅情況。」她計劃把家中光管換LED燈，下屆再挑戰慳電。

三房改兩房都可慳電

李穎妍將洗衣機換成一級能源標籤，又盡量減少使用電器：「啲衫摺完拎出來，有摺痕就要熨，用衣架掛入衣櫃，衫就唔會縐。」用電量以往冬天要每月平均九度，知慳惜電後，夏天亦只需七度。每人每月平均一點七五度，每年最少節省三、四千元。比賽三個月內，共節省二千五百多度電，獲住宅實踐組躍進大獎（減用量）。

居於鑽石山的梁家怡今年初裝修，將三房改為兩房，增添對流風，毋須再開冷氣。去年每月電費數百元，裝修後加上政府補貼，則不需繳費。她頓感慳電，又可慳錢，發現慳電比賽，便開始用心慳電：「好多朋友屋企開風扇同室溫冷氣，最緊要識得慳。」最終獲住宅挑戰組（減百分比）及（減用量）亞軍。她又指，本港不少人愛用抽濕機及空氣清新機，相信市民仍有很多空間慳電。

地球之友昨公布「知慳惜電」節能比賽結果，今年共有四千七百多個電力用戶參加，較去年增七成半。比賽分為住宅、公司及物業管理組別，數算六月至八月用電量，三組平均慳幅分別達兩成四、半成及一成，共節省逾五千萬度電。