SUN微博:末日之時:同你一齊rap到末日

喂,講啲嘢你知,雖則我預咗你話我低B,之不過,唔講,我真係心思思。細個我好有大志,仲話要做諾貝爾。結果?咪得個講字。查實得番嗰幾千小時,點解唔去做想做嘅事,到時後悔真係太遲。我真係唔想屈從呢個社會,唔想金錢成為我人生嘅負累。你睇吓佢,又睇吓嗰條女,返工你話為咗乜?累鬥累。不如輕鬆買個醉,慢慢搵番個伴侶。喂,咁啱傾,一於贈多你兩句。你就算唔係含住金鎖匙出世,都唔代表要做人哋嘅奴隸。人同人之間太多算計,咁做人到底有咩為。寧願渾渾噩噩,呆呆滯滯,都好過面具跟身麻木虛偽。唉,自己都覺得長氣,快手講埋個後記,即係呢,做人嘅嘢,簡單快樂最重要,我誠邀你同我一齊笑。快樂有幾難?唔會難過搵三萬。快樂有幾難?無人叫你搵嘢煩。喂,廿一號橫掂都要死,最後幾day,幾大都做番自己。 I write for you sing for you rap for you, because I want to see your smile.

第一手消息請下載on.cc東方互動iPhone/iPad/Android/Windows Phone Apps