政壇:張俊勇趕尾班車選人大

港區全國人大代表選舉已經拉開序幕,早前截止報名共有五十幾人參加競逐,其中一個原來係中華總商會會董張俊勇(Thomas)。唔講唔知,佢參選經過都有啲驚險,仲喺截止報名當日先遞表,成功入圍之後,佢就忙於拉票。

Thomas話,十一月底佢去咗古巴考察,到人大選舉截止報名當日先返港,返抵香港就嗱嗱聲去交表,好彩一切順利。佢話自己喺青年工作及商界服務好多年,好多朋友都支持佢參選,所以考慮一段時間後決定上陣。

今次選舉,唔少政壇老手都傳出心驚驚嘅消息,佢又點呢?Thomas話,充滿信心!

第一手消息請下載on.cc東方互動iPhone/iPad/Android/Windows Phone Apps

張俊勇往古巴考察,返港啱啱趕得及喺截止日提交參選港區人大嘅表格。