政壇：政商定格：千億新抱慈善競投飲恨

已成立二十年嘅地中海貧血兒童基金會，上周六晚喺灣仔君悅酒店舉行大型籌款晚宴，現場布置得好似海底世界，好有心思。基金會主席鄭正訓及籌委會主席梅韋祖蒂（Judy）一早到場迎賓，捧場嘅城中名流眾多，包括恒基地產副主席李家誠及太太徐子淇、前東華三院主席王忠桐、基金創辦人楊執庸醫生、中華廠商聯合會會長施榮懷夫婦等。

節目高潮迭起，慈善拍賣環節中，Judy囝囝梅慶豐捐出旗下金鐘舊軍火庫嘅Ammo餐廳包場三小時，加送酒水任飲，由底價兩萬元起拍，結果引起一場激戰，連「千億新抱」徐子淇都加入戰局，最終由王忠桐以十五萬元成功投得，全場拍爛手掌。未計當晚拍賣所得，大會已為基金籌得逾二百萬元善款，真係行善人人最樂！