City Parade：善．參
人參，傳說吃了會長青不老，名人圈都迷上人參美顏。每席十萬元嘅「人參夜宴」早前喺四季酒店登場，請來米芝蓮三星名廚以人參入饌，「參」之魅力沒法擋，城中愛美之人又豈會錯過，一於齊齊體驗超豪韓式盛宴。另一邊廂，智行基金會喺The Mira舉行慈善籌款晚宴，大玩「L'Opera」主題，將宴會廳布置成充滿歐洲色彩嘅古典歌劇院，賓客盛裝出席，一晚籌得四百萬元。
韓風盛宴
韓國人氣組合「神話」成員Jun Jin站在身旁，名模周汶錡（左）依然目不斜視。
名媛顧紀筠注重養生，常飲滋潤湯水補身。
海洋公園保育基金主席陳晴（左），與觀瀾湖集團副主席朱鼎耀夫婦（中及右）各有活潑可愛的仔女，傾起湊仔經，分外投契。
米芝蓮三星名廚陳恩德（中）親自炮製人參宴，律師梁家駒的千金梁慧妍（左一）、影星甄子丹姨仔汪圓圓（右二）及表姨仔湛琪清（左二）、雪花秀香港總公司Amore Pacific董事總經理葉豐盈（右一），嗅到參香已食指大動。
籌款夜宴
快將生日嘅千億新抱徐子淇（左）捐出六位旅遊開支行善，如此善心，電視台高層李桂蘭（右）都豎起拇指讚好。
恒基副主席李家誠（中）幾忙都撐太太做善事，社交名人周國豐（右）同太太黃泳霖（左）當然賞面支持。
先施百貨家族後人馬天惠（中）計劃聖誕節與家人遊澳洲睇樹熊，韓國名媛蔡知廷（左）及公關公司執行總監黃慧琪（右）都戥佢開心。