SUN微博：Sun畸事：貪曾「副」都冇
貪曾貪盡海陸空，禍國亂港，不過貪曾從唔覺得係啲咩一回事，仲貪心到謀住政協副主席個位，面皮厚到嚇死人。各位正義議員自然睇唔過眼，齊齊聲討佢，貪曾仲唔知衰，喺議員面前扮可憐，話自己好慘喎。
貪曾︰做咩要針對我喎，貪污件事都過咗咁耐，放過我喇！
大姐嫻︰哼，邊個知你貪污單嘢仲有冇下文o架！
貪曾︰我以前就貪開鮑魚、肥雞嘅，依家已經折墮到喺乞兒兜都攞錢，同街邊啲流浪狗爭飯食，我瘦到以前啲褲都着唔落，好慘喇！
大姐嫻︰你以前自己衰就好喇，依家衰到同流浪狗爭食，丟埋偉大祖國嘅架，仲話想做政協？
貪曾︰唔好咁講喎，我都有貢獻o架！
大姐嫻︰你舊垃圾，污染香港就有份。
貪曾︰如果無我，我驚ICAC無嘢做咋。
大姐嫻︰@#$$%^&^&&*
