政壇：政商定格：何苗春暉捐手袋救糖尿童

何鴻章長子何浩嘅太太何苗春暉前晚同十八歲二女Sophia一齊出席慈善手袋拍賣會，為糖尿病兒童籌款，佢透露現場有一百個全新或二手手袋，目標籌三十萬元，而今次活動佢就捐出四個手袋義賣。點解唔捐多幾個？佢笑住話：「我年年都會捐，所剩無幾啦。我轉頭都會喺呢個活動買手袋送畀兩個女做聖誕禮物，我有送過衫畀佢哋，但通常佢哋都唔鍾意。」

佢又話聖誕節將會去倫敦探望喺當地讀書嘅大女Natasha，而Natasha亦係糖尿病患者。咁大女依家情況點呀？佢話：「好好多，但仍需要每日打四支針。」

第一手消息請下載on.cc東方互動iPhone/iPad/Android/Windows Phone Apps

何苗春暉每年都捐手袋行善，愛心爆棚。