政壇：搞搞政：兩舊雲倒公帑落海

白鴿黨立法會議員黃碧雲上星期喺內務委員會上「一舊雲」投錯票，錯手否決由泛民主派提出就行會成員林奮強賣樓風波進行休會辯論嘅動議，之後又再發生公文袋陳家洛喺長者生活津貼撥款終止待續投票上出問題。尋日公文袋梁家傑喺內會重提林奮強休會辯論動議，今次一舊雲終於醒定唔再投錯票，通過動議喺今個月二十八號進行為時一個半小時嘅休會辯論。

由於上周先後兩次發生疑似投錯票事件，唔少議員要求秘書處徹查兼改善投票系統。建仔嘅蔣麗芸同黃定光就狂插陳家洛，話佢上次神志不清投錯票係因為食咗藥，仲話當時聞到陳家洛身上有酒味添。陳家洛即時嬲到飛起，大鬧對方無中生有兼抹黑，要求兩人公開道歉喎！

但原來喺投錯票事件發生後，秘書處正在研發一套新軟件，做好後可以即時更新議員投票結果。又要嘥錢，呢兩舊雲簡直係倒公帑落海。