政壇：上市委會雙鬼守門口
最近同投行界朋友傾開偈，佢哋大呻話近月新股要上市過關「好難」。唔講唔知，上市委員會近年多咗兩個猛人入局，一個係舊年加入嘅雷剛，一個係今年至加入嘅鵬誠峰。雷剛係香港主要私募股權集團之一UCL嘅董事總經理，鵬誠峰就係來寶集團Corporate Affairs董事，鵬誠峰更加係上市委員會副主席。
兩位老外出咗名超認真，喺上市委員會提出嘅問題深入兼刁鑽；咁都唔止，佢哋唔會好似一般專業人士咁，好似「填表」咁睇吓公司做咗乜、做咗物，佢哋仲會從經營生意角度，睇吓間公司點樣經營、盈利點樣先可以維持等。
佢哋態度絕不馬虎，令到上市委員會依家審批公司上市時，往往辯論連場，除咗開會時勁加長外，聽聞依家無論港交所上市科職員同banker等都「聞風喪膽」，準備充足，唔敢求其。
雷剛（圖）同鵬誠峰近年先後加入上市委員會。（資料圖片）