行行出狀元：心靈醫生幫埋主人減壓

「醫生，佢行得番啦！」主人雀躍的反應，最讓醫生鼓舞，本身都是寵物主人的Angela和Denise當然感同身受，她們家中同樣養了不少心肝寶貝，明白主人對寵物健康的緊張程度，更成為主人的心靈醫生。

人往往對寵物生病與死亡，耿耿於懷，不少人更認定是自己疏忽令寵物生病。Angela認為自己的工作是「治寵物，亦治主人」，「我會同主人講，你唔好咁大壓力先，人同寵物都要有良好生活質素，生理同心理都要平衡先得。」

其實健康與日常飲食息息相關，要預防寵物由小病變大病，她們會教主人留意寵物飲食習慣。寵物都會有氣虛血弱、肝火旺盛等中醫學症狀，而寵物又以乾糧為主食，容易熱氣上火，「咁我哋都唔建議主人煲涼茶、大補湯畀啲寵物飲嘅，但有時如果狗仔眼乾，可以畀幾粒杞子佢哋食，有明目作用。」主人閒時甚至可自行為寵物做保健穴位按摩，例如額頭上的百會穴、腳踝上的足三里、前肢上的曲池，替牠們「鬆一鬆」。