政壇：立會議員增持內地物業
熱錢肆虐下，各地樓市都表現熾熱，本港立法會議員對樓市嘅投資策略亦有改變，好似法律界立法會議員郭榮鏗（Dennis）近日就出售咗持有嘅將軍澳物業，金融服務界議員張華峰則申報增持咗一個內地物業，自由黨紡織及製衣界議員鍾國斌（Felix）申報內地擁有一個物業，莫非佢哋真係睇淡香港樓市轉戰內地樓市？
張華峰嘅物業利益申報有變動，佢喺大約一個星期前申報增持一個上海物業，佢話睇好內地物業發展前景，覺得內地物業升值升得快，所以寧願揀喺內地置業。Felix近日亦有向秘書處申報喺內地持有物業，但原來嗰項物業係之前漏報咗！Felix解釋，九四年已經喺北京同廣東購入兩個商業單位，但之前就唔記得咗申報，近日發現漏報後已經即時補番。