政壇：少女時代葉劉紮起孖辮
新民黨主席葉劉淑儀曾戲謔政壇後輩係妹妹仔，尋日佢個社交網站專頁就上載咗六張佢做妹妹仔時期嘅圖片，包括佢母校聖士提反女子中學最近舉辦嘅舊同學聚會，同埋佢中學時嘅幾張學生妹相。其中一張係佢畢業時嘅全班大合照，葉太喺相片入面用蝴蝶結紮起孖辮，真係好青春o架。
當中一張葉太同前教統會主席林李翹如嘅合照，原來林太做過葉太嘅西史科教師，葉太好感觸咁話，多得Miss Lee嘅教導，令佢由中二到中七，歷史科成績都名列前茅，公開試更獲A級：「兒時校園生活，一幕幕重現眼前……四十五年了。」
葉太上載中學團體照，她（前左二）的蝴蝶結孖辮Look倍見青春無敵。
同學高歌，葉太（中）卻表情嚴肅。