政壇：康叔出書CY守諾捧場
前港區全國人大代表吳康民（康叔）退出政壇後，一舉一動仍然深受關注，佢嘅新書首發式每次都高朋滿座，好似前日佢發表嘅遊記新書，特首梁振英（CY）同教育局局長吳克儉、全國人大常委范徐麗泰、港區人大代表團長袁武等都出席，康叔仲爆料，話CY曾經應承過每逢佢有新書發布，就一定會來捧場，對此CY「絕無食言」。
康叔嘅彩色旅程第七集《站在世界最高的塔樓下》出版，一眾老友都捧場，連久未露面嘅「製衣大王」陳瑞球、僑界社團聯會主席陳有慶、恒隆集團董事總經理陳南祿、人大代表羅范椒芬、政協常委楊孫西等都到賀。
吳康民（左）大讚梁振英守承諾，每逢佢出新書都必捧場。
