SUN世代：遺傳低調性格唔玩fb

「啲人成日話佢（霍震霆）唔開（立法）會，其實佢做咗好多嘢無人知，佢唔會寫網誌鋪晒出嚟。」霍啟剛笑說父親性格低調，不愛事事張揚，難免被外界誤解；而在他眼中，父親是個鐵人，除為公司，更為本港體育界游走世界各地爭取權益。至於他自己，同樣遺傳這種「幕後人」性格：「我無facebook，微博都好少用，所以無人知我做緊咩！」

忙為祖父籌建紀念館

不過，當他憶述已故祖父霍英東時，即收起笑臉。或許是家族性格，他說祖父同樣不愛出風頭。在他心目中，祖父背影很巨大，能扛下很多事，為家人排難解憂：「從未聽過佢講自己威水史或點樣幫過人，反而都係從第三者聽番嚟。」這位乖孫近日正忙於為祖父在南沙籌建紀念館，更當上記者，與團隊走訪祖父的老朋友，搜集資料及製作短片：「聽到爺爺好多開發南沙嘅事迹，知佢喺工作上嘅眼光好準，對人又非常好，所以佢過身時，無論左中右都表達敬意，無報紙講佢唔好！」