SUN微博：網絡小說：微小說兩則
《瘋狂的斯巴達》
好耐好耐以前，有一個城邦叫斯巴達。呢個城邦每五年一次舉行派對，大家一路舉手一路ＹＯ吓ＹＯ吓，邊選出嚟緊五年嘅城主階級。據考古學家形容，斯巴達派對可以話係最最最進步嘅制度，研究顯示，一般平民百姓完全唔使為咗呢個派對傷神，佢哋可以一如既往，安靜咁生活，治國嘅責任會由城主階級孭晒。斯巴達，真偉大。
《水族館》
颶風肆虐，紐約居民叫晒救命。總統小黑子為撫民心兼曲線玩公關挽救選情，竟然放低拉票工程，去災區安撫人民。居民感受到總統關懷，大喜過望。小黑子一如既往，以其三寸不爛之舌向災民演說：「學似阿邊個話齋，正所謂多難興邦，大家都唔使太唔開心，何況……」小黑子稍停一停，再講：「聽聞有鯊魚游到入地鐵站，無咗個地鐵站，多番個水族館，未必係壞事喎！」