SUN微博：Sun畸事：混帳腸粉
正義傳媒多次踢爆混帳仁瞞報、漏報，佢咁精於瞞數原來係同佢做嘅副業有關，佢得閒就會企吓街、推吓車仔賣腸粉，仲要成日呃人，畀少兩條腸粉啲客仔，正一係「粉腸賣腸粉」！某日，有客仔踢爆佢畀少兩條腸粉，仲同混帳仁係街邊對罵……
正義然︰喂，你條粉腸畀少咗兩條腸粉喎！
混帳仁︰你都傻嘅！我賣腸粉不嬲都好公道。
正義然︰五蚊得一條腸粉都叫公道？
混帳仁︰大佬，我寫住賣五蚊腸粉，又無話係五蚊可以買多過一條！
正義然︰咁都得，信唔信我去食環署告你！
混帳仁︰唔係話唔得，但你有證據咩？賣腸粉又無收據嘅！
正義然︰你擺明呃人喎！
混帳仁︰呢啲咪混帳腸粉囉！
正義然︰@*!@#$$%*?>@
