政壇：唐唐自爆同貪曾有飯敍
尋日下晝約四點，前政務司司長唐唐同太太唐郭妤淺，手拖手出現喺皇后大道中，兩人施施然行入太子大廈嘅COVA買咖啡，不知幾溫馨。醫務委員會主席麥列菲菲尋日下晝亦喺中環現身，見佢抽住一個COVA大膠袋，細問之下，原來佢都係咖啡擁躉。最近，佢哋都同貪曾食過飯。
唐唐失意政壇，但賺得清閒生活，兩人尋日行入COVA買外賣，記者上前同佢哋打招呼，唐唐態度友善，笑稱公司就喺太子大廈樓上，買完咖啡就返上去。佢又自認早前同貪曾食過飯，大家傾吓閒偈，冇乜特別喎！
麥列菲菲都同貪曾食飯
麥列菲菲唔止湊巧幫襯同一間咖啡店，亦承認早前同貪曾食過飯，仲話前行會成員每兩個月一次飯敍已經係好耐嘅傳統。世事又會咁蹺嘅？
唐英年夫婦拍拖買咖啡。
麥列菲菲