本港史上首隻「雙幣雙股」合和公路基建成功出台，締造本港歷史，公司梗要慶祝吓。聽聞公司搞嘅慶功宴，胡應湘冇出席，由佢位公子胡文新擔大旗，最特別仲係公司揀喺合和嘅「地頭」灣仔舉行慶功宴，果然對灣仔「情有獨鍾」！
話說合和公路基建嘅人仔股票今個禮拜一掛牌，當晚就搞咗個慶功宴，地點並唔係金鐘、中環一帶嘅酒店，而係灣仔海都！係人都知，合和嘅大本營係灣仔，合和中心更係灣仔著名地標之一，今次慶功又喺灣仔，果然係灣仔「忠實粉絲」！
胡文新
