黑灰白：多哈機場

到雅典途中經卡塔爾首都多哈機場轉機。從沒想過原來中東這個小國，機場竟大得驚人，下機後由巴士自停機坪載往轉機中心幾乎二十分鐘車程。雖是凌晨四時許，偌大的機場仍然燈光火着，不停有飛機升降。清早離開時天已發亮，見到機場確是一望無際，還在繼續趕工加建，以迎一系列將在當地展開的大型國際活動。

年將九旬的母親見到便破口大罵：你睇人家落後地方，機場成個香港咁大，仲喺度猛咁起；我哋要加多一條跑道都要拗幾年，你哋究竟想搞乜鬼？

忙不迭解釋我絕對支持馬上興建第三跑道，但有人擔心對環境造成影響；我們只提一提白海豚可以遷居，便讓人大力批評。話猶未已，母親已經大罵：我最憎嗰啲環保分子！雀會飛，魚會游，唔通人唔緊要得過海豚？以前唔填海，我哋依家住响邊處？人哋機場靚過香港，日後搵鬼嚟我哋度呀？

母親只屬婦孺之輩，見識當然難及見多學廣的環保人士，但她絕對是為香港人的利益設想，也從冷眼旁觀洞悉香港目前困境。環境要保護，香港也要發展；老一輩目睹香港的成長，也有份參與香港繁榮的建設，大都對今天事事碰壁的情況感到既不滿且擔心。眼看任人迎頭趕上，主事者仍甘處五里霧中，羈於毫無意義的政治爭拗，凡事一出聲便被嘲老餅，倒不如疊埋心水多爭取一點生果金更實惠。