次世代生活圈：人蝶結緣

蝴蝶紛飛的景象，已絕迹石屎森林。在現代化都市中，蝴蝶似乎只能安靜的躺在標本櫃內。高度都市化的香港其實藏着二百多種蝴蝶。Kimchi及Christy這兩個蝶迷不願隔着厚玻璃，窺視蝴蝶的標本；他們走出都市在鄉郊的田野與蝴蝶親密接觸。但他們不願獨享這香港的斑斕，望更多人一起欣賞、珍惜及保護人蝶共存的和諧環境。

蝴蝶絢麗的雙翅令人着迷，但都市人卻少有機會一睹飛蝶的風采，有些甚至在自己和大自然間築起重重隔閡。若蝴蝶停在手臂或腳旁，就足以嚇得一眾甚少接觸大自然的少女尖叫連連，但這親密的舉動，卻偏偏是Christy愛上蝴蝶原因。她笑着說：「蝴蝶好似有靈性，會停喺人嘅手臂吸汗。有次一隻好靚嘅藍色蝴蝶停喺我腳邊，好耐都唔走，我覺得同佢好有緣，特別鍾意佢，後來先知佢叫翠藍眼蛺蝶。」

低飛易親近

Kimchi也有同感，他認為人與蝶存在互動。他說：「香港較易觀察嘅生物係雀鳥同蝴蝶，雀鳥飛得高難接觸，蝴蝶就會經過你身邊，同人好親近。」Kimchi是資深蝴蝶迷，蝴蝶在兒時伴着他成長。他笑言：「我住得近大埔鳳園蝴蝶保育區，所以中一起就會過去睇蝴蝶，慢慢變成興趣。」

後來，Kimchi在保育區擔任導賞員，為遊人講解蝴蝶的種類和習性，亦曾協助統計園區蝴蝶數目。他認真地介紹：「我哋依照路線，記錄沿途蝴蝶嘅數量同品種，了解區內蝴蝶狀況，協助保育。」當遇上罕見品種，這位蝴蝶迷就會非常雀躍：「好似少見嘅柑橘鳳蝶，就算遇到佢都會好快飛走。」

與蟲為樂，總是令部分都市人難以接受。Christy憶述：「喺學校提過自己去睇蝴蝶，好多同學會覺得古怪，當然我畀蝴蝶圖片佢哋睇，佢哋依然會覺得靚。」

不過每次邀請同學同往賞蝶，一般答覆都是：「好啊！下次先啦！」Kimchi則認為都市人對蝴蝶缺乏認識，致使人蝶間存在隔閡，他希望從港大生態系畢業後，能為本港生態教育盡一分力。