SUN微博：Sun畸事：女童不能做愛做的事

盲肛社董事大發謬論：「學童唔應該接種人類乳頭瘤病毒（HPV）疫苗，因為佢哋會以為可以『安全地』進行性行為。」真係世上膠人何其多，盲肛社確係一哥！

盲肛社董事：接種HPV疫苗可以避免性病，但係性病係由性行為引起，所以，「忠貞」先係預防性病良方囉！

道德塔利班：冇錯！同樣，人一接受教育就會變得好多要求，追求好似自由民主男女平權呢啲西方陳腐觀念，所以，我哋要禁止女人接受教育。

盲肛社董事：你講得太好了！係咪有句話叫「狗熊所見略同」？我去完英國留學，唔係好記得。

道德塔利班：我係中東人，所以都唔係好知。btw，喺我哋嘅國度，處女係要留畀烈士喺天國享用的，所以佢哋係好忠貞的！

盲肛社董事：啊！由出生到死亡都係處女，太美好了！

道德塔利班：你哋香港人太放蕩了，女人竟然露出鼻哥窿周街走，仲一身短袖熱褲，真係道德淪亡！

盲肛社董事：太正確了！女人唔應該露出鼻哥窿，因為佢哋會以為自己好自由，然後諗埋好多無謂嘢！