政壇：政商定格：馮婉眉同荃灣有淵源
銀行公會主席Anita馮婉眉平時喺中環呢啲核心金融區出現多，尋日竟然去咗荃灣。佢叫記者唔好大驚小怪，實質上佢喺荃灣長大，而且銀行公會搞「銀行伴你．穩步成長」展覽，希望拉近銀行同社區嘅聯繫，荃灣係首站，所以見到佢出現囉。
原來Anita年幼時喺荃灣區長大，讀小學、做第一份暑期工、開第一個銀行戶口，都同荃灣呢個地方有關。佢希望呢個展覽日後有機會喺其他地區舉行，方便巿民更加了解本港銀行業發展。
呢個展覽嘅展品都幾有集體回憶feel o架，展示咗由唔同銀行借出嘅珍貴展品，以錢罌為例，就有十幾款唔同造型，最早可以追溯到六、七十年代。金管局副總裁余偉文都話，佢自己都擁有其中一款錢罌。
銀行公會主席馮婉眉自幼喺荃灣長大，對荃灣有一份特別感情。