SUN微博：打橫嚟講：鑊氣繼續來

尋日，同一個智者高人午飯，向佢問安請益，傾傾吓，講到新一屆立法會的笑料，莫如「爆Mic姐」蔣麗芸的舉措言行矣！

一直以來，在立法會議事廳開會直播的粗魯行為，幾乎都係由男議員包攬，就算惡如卿姐的，也只不過聲調高幾級而已！哪及得上蔣家小姐之表情十足，手舞足蹈，大力拍枱，戲子上身般好睇！難怪行會新貴林健鋒同志，昨日在電台節目笑論她動作特別誇張，當然，咁灰諧趣致，在立法會硝煙熾烈氣氛中，多件咁嘅花旦上台，令大家捧腹開心，咪幾好！

吖！講番高人指點。民建聯副主席蔣麗芸不滿有人動議，要求教育局局長吳克儉辦事不力而須引咎下台，蔣小姐拍枱大嗌：「成件事究竟吳局長做錯乜？如我間公司有個同事諗啲新計劃，當推出時大家睇清楚有唔妥，咁咪唔推囉！使唔使炒佢呀？」

高人指說：「如果吳克儉睇到嗰本《國教指引》發現有偏頗，即時出手，唔派去學校，而在問題源頭消毒，咪唔會發生後來的鑊氣囉！好嘞！即使佢無知或偷懶，讓《指引》曝光兼出事，也該拿拿臨處理，而非躲在林鄭身後，驚驚青青，讓一樁小事，衍化為燒着梁班子後欄的政治事件，咁都未算衰，最弊仲係搞到全民覺醒，又學懂愛國與愛黨之差異，甚至上埋世界新聞，畀人感覺香港教育大赤化，咁都唔係罪？咁都唔使問責？下一鑊就更甘矣！」

哦！學到嘢！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：狗噏罵港人

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot