政壇：政商定格：姚珏唔介意囡囡入娛圈

著名小提琴家姚珏開設嘅音樂學校前晚舉行十周年音樂會，姚珏話有好多以前嘅學生專程由外國返嚟支持佢，令佢覺得呢班學生都長大咗。佢九歲嘅囡囡Clara仲會擔任今次大會嘅司儀，姚珏話：「份英文司儀稿都係佢自己寫，佢唔驚，好淡定。」原來Clara精通拉小提琴、彈鋼琴同跳芭蕾舞等，問姚珏會唔會畀多才多藝嘅囡囡入娛樂圈，佢坦言唔介意，仲話：「只要佢鍾意就得，佢唔覺得學才藝係一份工作，佢好享受，佢樣樣都好叻，好鍾意舞台，我覺得做人信心好緊要。」