司機親友：佢失眠精神差

【本報訊】肇事姓孔貨櫃車司機下半身重創，雙腳骨折，送院搶救時意識模糊，血壓極低，他最近經常失眠，曾睇中醫，但情況沒有改善，精神欠佳。而經歷生死一線的貨車司機，送院後猶有餘悸，對意外經過不願多談，但不斷向警方重申：「唔關我事o架！」至於重傷跟車工人，在港無親無故，警方正設法聯絡其在內地的親友來港探望。

姓孔貨櫃車司機目前仍在瑪嘉烈醫院深切治療部留醫，他與妻子及年約二十餘歲的兒子居於粉嶺，其妻兒及同事於事發後趕抵醫院，各人顯得憂心忡忡。親友對今次意外議論紛紛，並透露：「佢成日失眠！瞓得好少！精神好差！」早前經家人苦苦勸說下，他才看中醫，但睇醫生數次後，因情況未見改善便沒有繼續治療，親友埋怨：「佢都唔聽人講，可能因為精神唔夠出事。」

無辜被燈柱扑爆頭的姓李跟車工人，獨居屯門紫田村，家人均居於內地，警方正透過貨車姓羅車主聯絡其內地家人來港探望。至於姓雷貨車司機，駕駛運菜車多年，今次是首次遇上嚴重車禍，他慶幸死裏逃生，經治療後已無礙出院，但拒絕回應記者提問。