SUN微博：Sun畸事：淫賤黎股受挫
台灣「壹全霉」賣來賣去都賣唔成，淫賤黎想走都走唔甩。正當佢苦思如何鞋底抹油之際，網民推崇備至，專門救苦救難、有求必應嘅燦神，忽然喺佢面前出現。
淫賤黎：嗚嗚嗚，神呀，點解我同我班friend，做親傳媒都死硬嘅？
燦神：「你永遠不會成功」。
淫賤黎：我只係想呃啖飯食啫。
燦神：「頂你的肺就是這個意思」。
淫賤黎：畀我炒嘅員工個個都想頂我o架啦，吹咩？
燦神：「真是毫無人權」。
淫賤黎：唉，有錢先講人權啦，雖然我之前股市異動係撈咗一筆。
燦神：哼！「啪啪啪啪啪啪啪啪」。
淫賤黎：咦，燦神語錄入面，好似無你講呢句喎？哦，你唔係燦神！
燦神：傻仔，你睇吓你個股先啦！
淫賤黎：係喎，籮柚咁痛嘅？哎呀，我個股受挫7.6%呀！