政壇：政商定格：冼國林教路借稅貸投資
各大銀行嚟緊嘅戰場會係稅貸，有「貸神」之稱嘅冼國林最睇得通稅貸蹺妙，根據佢嘅經驗，借稅貸嘅人會一借再借，唔一定冇錢交稅，反而可能借嚟投資。佢自己都有借稅貸，話用嚟買個車位都有着數！
叫冼國林「貸神」一啲都冇誇張，皆因係佢將稅貸發揚光大，搞出好多花臣，令人覺得借錢交稅冇乜罪惡感。依家佢係第一信用主席，主業係私人貸款。
間間銀行都爭相推出稅貸，佢認為係為咗獲得強大嘅客戶資料庫，用嚟做交叉銷售，佢嘅經驗係：「客戶幫襯你借得一次就有第二次、第三次，日後仲會申請信用卡、借錢買樓等。」稅貸個市場真係好大，因為大多數人未必會為咗交稅而預先儲蓄，而係收到稅單先識頭痕，到時咪惟有去銀行借錢囉！另外仲愈嚟愈多人借低息稅貸，再作其他高息投資，呢啲咪叫生財有道囉！
冼國林都有借稅貸，話用嚟買車位都有着數。