SUN微博：Sun畸事：天仙大殘局

旺角街頭，貪曾同淫賤黎擺下象棋殘局，專呃水魚。

貪　曾：接手爛棋千祈唔好怕，有危先有機吖嘛！

淫賤黎：冇錯，爛果咁爛都未執啦！

貪　曾：咁你就引喻失義啦，壹全霉股價異動，證監又查，睇嚟就爆啦喎。

淫賤黎：我已經賣咗壹部中國製爛電視，仲爆煲？

貪　曾：已經爆咗啦你部爛電視，仲死咗好多員工添。

淫賤黎：因為我嘅過失，令佢哋荒廢咗四年嘅光陰，我無以為報了，只有一句對不起，請你原諒，並且珍重！

貪　曾：一句對唔住就想算數，邊有咁着數！

淫賤黎：呸！你畀人踢爆深圳禮賓府嗰陣，歉又唔道，眼屎又擠唔出都過到骨啦！

貪　曾：咁係市民期望太高！

淫賤黎：不過你鋪棋捉到咁爛，拍拍籮柚，就有人執你手尾。

貪　曾：你知唔知一副棋要捉到天殘局咁係好難o架！我好拋鑊呢個成就！

淫賤黎：你就爽死啦，我就「爽」死了，嗚嗚……

貪　曾：我走先啦，你哋慢慢收拾啦……