政壇：環團靚女或做環局政助
環境局又傳有新人事，據聞地球之友副環境事務經理區詠芷（Michelle）有望出任該局政治助理，同局長黃錦星、副局長陸恭蕙拍住大搞環保工作。有業界中人睇好呢個組合，由於佢哋各有強項，又同業界有得傾，政府同環保團體「雞同鴨講」嘅年代有望結束。Michelle早喺五、六月已經應徵做政助，官場之後就有消息傳出佢會上場。記得黃錦星上任後多次強調，固體廢物、源頭減廢等政策將會係局方未來嘅工作重點，又宣傳廚餘回收，而Michelle喺地球之友嘅專責範疇正正包括減廢同廚餘回收，而且佢之前都呼籲過市民叫少兩碟餸以減少廚餘。
雖然佢哋三個過去並冇特別合作，但Michelle就認為，「環保議題相當單純，直情純過蒸餾水」，意思係大家以環保為工作目標唔複雜兼冇難度。
區詠芷