中秋同十一長假期啱啱過去，好多外遊嘅人都陸續返港，「玩具大王」蔡志明之子蔡加讚同模特兒女友汪圓圓早排都出咗埠。汪圓圓尋日出席活動時就透露，原來兩個人去咗馬爾代夫五日，日對夜對都冇悶場喎。
馬爾代夫出咗名陽光加海灘，汪圓圓講到旅行時，仲主動問自己膚色有冇黑咗﹖佢話：「我哋好難得可以一齊有假期，嗰度係一個好浪漫嘅地方，乜嘢都冇只有海同魚，好舒服！」不過日曬夜曬，搞到汪圓圓曬出一身泳衣印，反而蔡加讚就點都曬唔黑！
汪圓圓同男友啱啱過完甜蜜五日假期返港。
